PROVERBI, DETTI, FILASTROCCHE, INDOVINELLI DELL'AGRO DI NOLA

Tengo nu' tavutielle

Cu' quatte murticielle…('a noce)

____________________

Vene appizz'o culo

E senn'e và… (o' munnezzare)

____________________

Va' int'a paglia e nu' se pogne,

va' int'all'acqua e nu' se 'nfonne,

va' 'int'o 'ffuoco e nu' s'abbrucia…(o' sole)

____________________

A corta 'ee bona ppo' marito

a long ppe' coglier'e 'ffiche....

M' pare 'o ciuccie e fechella

trentasei 'cchiaje, e pura a cora fraceta!

____________________

Quatte cose 'sso belle: Arruste e vitelle

zizz'e e' zitelle, fritt'e 'calamare

e cul'e 'lavannare!

____________________

Quanne sonane 'ee ' ccampane, tanne

cchiagnen'e 'e puttane!

____________________

Un vecchio detto degli abitanti della Collina di Cicala:

A San Paolo scesero i nobili,

A Liveri scesero i commercianti,

a Nola scesero i briganti.

____________________

Ce steva 'na vota, nu monaco devoto,

dint'a na cella, teneva ee' sasiccelle

jette na' vatta e se ne magnaje 4,

venett'o 'Priore, cu' nu' turceture,

e ce facette caca' a una, a una!

____________________

Tazze 'e piattine, bona serata a

Sti' signure, piattine 'e tazze

Je ve salut'e bonasera o' c….!

____________________

Dimane è festa, e' o sorice 'nfenesta,

a jatta cucina e o' sorice mett'o vino,

mett'o vvin'a carafelle, e o' pane

a felle, a felle….

____________________

Parrcchia' s'a rott'a campana,

chi lla' rotta, l'adda pavà,

e' stat'o nepote vvuosto,

allora e' stata na' disgrazia!

____________________

Nuvena nuvena, ca' mammeta e' prena,

ha fatt'nu' figlie ca se chiamma Michele,

e tene na' figlia cc'addora e' tabacco,

e quanne cammina, l'abballano ee' pacche!

____________________

Munzu', munzu', munzu', e gghiute a zoccola

int'o' ragù. A signò nun se ne po’ chiù,

magnatillo tutt'ttu!

____________________

Ora pro nobis, pigli' a mazza e' vatt'a

Cchisto, ora pro nubus, cad'e n'terra

E te romp'o musso!

____________________

Quann'e chiove e ghiesc'e 'o sole, tutte

E' vecchie fann' ammore, fann'ammore c'o

Tiane, tutt'e vecchie ruffiane, fanne

Ammore in'to ciardine, tutte e' vecchie

Malandrine!

____________________

Caruso melluso, mett'a capa int'o pertuso,

e vven'o scarrafone e te roseca o mellone…

____________________

Nonna nonna e ffa' la nunnarella,

c'a o lupo ss'a magnat'a pecurella,

E' pecurella mia comme farraje

Quann'e mm'occo lupo te truvarraje

E pecurella mia cumme faciste, quanne

mm'bocc'o lupo te veriste?

E pecurella mia,cumme campaste, quanne

mm'occa o' lupo te truvaste?

____________________

Quanne mammeta fa' a cazetta, o mazzariello

Add' so mette? Si so mett'arete e rine,

fa' a cazetta ppe' pellerine; si so mette

aret'a porta, fa e' cazette ppo' guardaporte;

si so mett'e rint'o lato, fa e' cazette po'

'nnammurato; si so mette 'int'a cintura, fa

e cazette' ppa' criatura; si so mette sotto

o core fa e cazette po' cunfessore

____________________

Aniel1o, aniello, aniello, ee' cosce e'

mammete int'o tianiello!

____________________

Arilla, arilla, arilla, chi o' trovo

chill'o 'so' piglia!

____________________

A vicchiarella 'e 'll'ove, ha rotte tutt'

ell'ove, c'o sangh'e de' galline,

s 'ha tint'o mandesino!

____________________

Ce steva na vota nu viecchio e na' vecchia

e steven'a e' case' ncoppa' nu' specchio,

steven'e case 'ncopp'a nu' monte statte

cca' che mo' t'ho cconte: Pappavallo,

pappava1lo, ogni penna e' nu' ventaglio, ogni

pettene e na' bacchetta, cu a figlia do 'rre

me ne fujette!

____________________

Chest'e' 'll'acqua do' Sinnaco e' Nola!

'na veppeta ve' cunsola! Muntagna fredda!

____________________

Ditcette' o mierech' e Nola a o' Pataterno

alloca 'nce stenne cchiu' chille che te

mann'e Je, ca chielle che te piglia tu!

____________________

Duje sorde o cazzimbocchio, o' liette

attone, a vvierno mo 'mpegno, a' stagione

mo spegno!

---

E' vva bbene dicette Donna Lena,

quanne verett' a figlia e 'a

jummenta prena ...

____________________

E' caduto o' dente, miettelo in'to'

pertuse, ca sinnò so magne o' cane

e' crisc' e dient' cane!

____________________

I me chiamme Don Luca Scarola,

nativo di Nola, ma me chiammane'o Frate Scarola

O' Frate Brasciola! N'aggiu' dat' cu

'stu curdone benedizione! Magno, vevo,

preseo, spasseggio, joco, fummo e amoreggio!

 

---

Ita', tu tien'a zella, i teng'o lampione,

cu na scorza e na' nucella, tacchi,tacchi

nc'oppa 'a zella!

____________________

Jesce, jesce, corna, ca mammeta te' scorna,

te scorna ncopp'allastaco,e faie e'

figli mascule....

---

Marò nun 'ffa' chiove ca tatillo e'

gghiute' a NNola, gghiute a 'venne

'e pazzielle: duje sorde a pupatella,

duje sorde a pupatella!

---

Marò nun' ffa' chiove, che tatillo e'

gghiute a 'NNola, e' gghiute a 'venne

e' pecurelle, e m'accatte e scarpetelle!

____________________

Maruzza, maruzza mammete fete e paite puzza!

____________________

Me ne vengo, zittu, zittu, sent'addore do'

suffritto; me ne vengo chianu, chianu,

sent'addora ddo' tiane!

____________________

Mò vene Natale e nun'tengh'e denare,

me fumme na pippa e me vad'a' cucca'

dummeneca 'a notte sparan' e' bbotte,

me mett'o' cappot' e 'vvad a 'vvere'

nu capitone e 'nnu' litre e vine, a

gloria, a ggloria, Gesu' Bambino!

____________________

Nce steve na' vota, na vicchiarella, ca'

scupava a chisiella, pe duje sorde, a scopa

ancora, int'a Chiesa 'a 'Cappella Nova....

____________________

Nicolo', Nicolo' int'e brache se caco',

ietta a mama e ll'addoro': fete a mamma

e Nicolò!

____________________

'O vespone e Sant'Antuone (Calabrone)

porta sempe 'bbone nove!

____________________

Pise e Pisella, e cannuol'a riganiello,

e cu' Santu Martino, cu na' penna 'incurunata,

bella figlio' masule',

tiro 'o pere a tte'.

---

Quatt'e nozzole 'a peruta (di pesca)

è bell'a' vvede a morte' do'rre Giuvanne

e 'll'Africa!

____________________

Sega sega Mastu'Ciccio, ca' panella e co'

sasiccio, a panella 'ncia' mangiamme; e'o

sasiccio 'ncio' stipamme

---

Se vuleva ammarita', manc'o lietto sapeva

ffa'! Ppe' cose' 'na cammisa, stette n'anno

e ddieci mise. Pe pruva' si e buon 'e' sale

se magnaje na caurare! U'cche' figlia!

U'cche' ffiglia, o diavolo che nun sa'

Piglia!

____________________

Sirico, Sant'Ermo e Saviano, facettere fuji'

nu' cane pe nu muzzeche 'e pane si nun'

era pe 'NNola o cane fujeva ancora!

____________________

Vaco a messa cu' quatte principesse,

cu quatte cavalluccie, tira e tira a

coda o ciuccio....

____________________

Vott'a ffa' notte, votte a'ffa' Juorne,

vott'a 'ffa' dummeneca a mmiezojuorno!

____________________

Santu Nicola, nun vuleva a canzona, vuleva

o libro da' passione, Santu Nicola nun voleva

menna; vuleva, carta, calamare e penna.....

____________________

Zi monaco e zi prevete, a chiereca cumme sta'

nu poch'e cuzzechella, nun se po' arriva' a

sanà!

____________________

Cannelora, state dint'e 'vvierno fora, ma

dicette a vecchia antica, tant'e' vvierno fora,

quanna 'a fronna e fico s'è fatta quann'a

na' parate e voje!

____________________

• A carne se jetta ed 'e cane s'arraggiano;

• A cchiagnere o' muorto sso' lagreme perze;

• A cunfirenza e' padrona d'a mala crianza;

• A' femmena quanne 'vvo' fila, fila c'o spruoccolo!

• A fissazion'e' peggio d'a' malatia;

• A gatta ppe' gghi' e pressa' facette 'ee figlie cecate;

• A'lliett' astritto, cocchete 'mmiejzo;

• A' mla nuttata e' a figlia femmena;

• A' mmurì e pava' quanne cchiu' tarde se po’;

• Aria netta (o anema), nun have'appaura e' tronelle;

• A'SSante nun fa' vute e 'a criature nu' prummettere;

• A' vallina ffa' ll'uovo e 'o vallo' abbrucia 'o culo;

• A varca cammina e 'a fave se coce;

• Augurie senza caniste ffa' vede' che nun ha viste;

• A 'vita nun'e' che n'arapute e'cosce e na' nchiuvate 'e casce;

• A femmena 'e marito nun' rimmane maje zetella;

• Chi cred'all'uommene, addeventa ggliummere;

• Chi trase int'a' chiesa grossa se sente sempe a messa;

• Chi capisce, patisce;

• Chi fatica magna, chi' nun fatica magna e beve;

• Chi nun accatta ne' venne, nun saglie e nun scenne;

• Chi pecora se fa' o' lupo sa' magna;

• Chi se mette appaura nun se cocca cu e' ffemmene belle;

• Cola fatica e Pizzicato magna;

• E' ciuccie s'appiccecane e' e'varrile se scassane;

• Fattelle cu' chi' e' cchiu' meglie e'te', e fanne e' spese;

• Femmene e tele nun se veden'a 'lume e' cannele;

• L'ommo cu a' parola o' voje cche' corna;

• N'ce ponno cchiu' ll'uocchie che e'scuppettate;

• Povero a mme', si je nun pensasse a'mme';

• P'e' 'ncigna' o' campusante nuovo, se facettere presta' o' muorto d'o paese vicine;

• Si a' nviria fosse rogna, tutto o' munno sarria rugnuse;

• A casa d'e sunature e' Nola nun se portane serenate;

• A cera se strure e' a prucessione nun cammina;

• A disgrazia d'ombrello e' quanne chiove fine fine;

• A 'merela cecata a notte face o nido;

• A' Napule a 'ppere e a 'CCemmetile 'ncarrozza;

• A' primm'acqua austo, appontate o'bbusto;

• A' San Biase o' sole 'ppe' case;

• Attacco o' ciuccio addo' vo' o' padrone;

• Chiacchier 'e tabbacchere e lignamme, o'Banche e Nola nun'e' mpegna;

• Chi chiagne fotte a chi rire;

• Chi tene e' crape, tene pure ee' corne;

• Chi havett' o' ffuoco campaje, chi havette o'ppane murette;

• Chi have pena d'a' carne ellate, a soja sa magnano e'cane;

• Chi fraveca e sfraveca nun perde maje tiempo;

• Cungegn 'e vorpe, rammagge 'e 'valline;

• Dicette o' miereco e Nola, chest'e' a ricetta e DDio t'a manna bona;

• Dicette o' schiattainuorto: a pesiello pavammo;

• Dicett' o' pappece vicin 'a noce, damme tiempe ca je te' percio...

• Dopp'arrubbate Santa Chiara facette 'ee porte e fierro;

• Dove nun ce stanno campane, nun 'nce stanne puttane;

• E' cchiacchiere fanne e'cchierchie, e' maccarune regnan' a' panza;

• E' cucchiere e Nola, te pigliano c'o' 'ccelebza e te lassano cu chi 'tta muorto;

• E' ffiglie e don Camillo, tutt'e vonne e nisciune sse' ppiglie;

• E' 'll'urdem'ora: o piezze faveze, o'ncrerenza;

• E 'meglie pariente stanne dint'a sacca;

• E' Nulane, largh'e' vocca e stritt'e mane;

• E' pigliate e' sputazze ''ppe' lire argiente;

• E' denare d'o nfinfirinfi' se ne vanno c'o' nfinfinrinfa';

• E' trasuta'a mosca int'o Viscuvat'e Nola;

• E' une, dicette chille che' cecaje n'uocchie a mugliera;

• E' venuto vvierno pe' male vestute;

• E' piettene e Qiunnece;

• E' cane e Canciello;

• O'viente Avella nasce, a Rocca pasce, ed a Cicciano more;

• Ma che sso' micciarielle e' Tummaselle;

• Primme e Natale, ne' fridd' ne' famma, doppo Natale friddo e famma;

• Sta schiarianno jurne a' Nola;

• Stai parlanne sempe, e' vippeto int'o' campaniello e Sant'Antuono;

• Santu Mangione, nascette primme e Criste;

• Se ricorda o' Cippa a' Furcella e 'llaqua a Nola;

• Sciacqua Rosa ebbiva AAgnese;

• Sant'Antuono Mascher 'e' ssuone;

• Tre ssò e putiente: o Papa, o RRe e chi nun tene niente.

• Haje voglia e chiovere 'ggnosta dicette o' scarrafone;

• Ha fatto comm'e' cumpinto: e' cavere a fora e fridd'ainto;

• L'abbetiello è piccirillo ma e' chine e devuzione;

• L'aucielle s'accocchiano 'ncielo 'e chiaveche 'nterra;

• LL'astaco chiove e a casa scorre;

• LL'uoglie d'a cannela ogne male sbarea; l'uoglie d'a mezanotta ogni male sporta;

• Marito mio bello, marito mio buono, tu ne' lievo o' quadro e je scipp' o' chiuovo;

• Me pare a' mosca d'o muorte;

• Me pare miercuri' mmiez 'a semmana;

• Me pare putrusino, ogni menesta;

• M'ho stai vennenno a int'a senga d'a porta;

• Miett'e' lluoglio a' copp'o piretto;

• Mmiez'a nu vuosco nun se trova 'na frasca;

• Mort'a 'criatura nun simmo cchiu' pariente;

• Na mamma campa 'a ciento figli e ciente figli nun campana na' mamma;

• Nisciuno te dice lavate a faccia cca' pare cchiu' belle e me';

• N, trane n'trane, o' rutto port'o sano;

• Nun ffa' mal 'e muonace che S.francisco se ne pave;

• Nun mette campaniell 'n'ganna a vatta;

• Nun sputa' ^'ncielo che nfaccia te torna;

• Nu sord'o mesuriello 'e chill'amico sempe dorme;

• cavalle curredore corre poco;

• D'janch 'e' russo se vede d'o musso;

• strizzeche fisso romp'e vasule;

• Pane e case nun ne contano e fatt'd'a casa;

• 'Pp'e' tre calle e' sale se perdett'a menesta;

• Sant'Antuono Maschere e' ssuone;

• Se rispetta 'o cane p'o padrone;

• Si mme' mettesse a 'ffa' e' coppole, ee' criatur nascessere senza a capa;

• Sott'a mano nun f'e chiove;

• Tannu'e' grano quanne sta' int'a votta;

• Tanti vall'a' canta' nun schiara mai juorno;

• Tanta vota va' ancell'abbascio o' puzzo ca senne vena 'a maneca;

• Tene o' pizzo buono e 'a scella rotta;

• Tira cchiu' nu capill'e femena ca na pareglia e voje;

• Trovate nchius 'e pierdete chist'affarel;

• Uocchie chino e mane vacante;

• Vieste bbuone, c'addiviente barone;

• Vuo' venner 'a tromb'a 'o zingaro;

• Zittu zittu, miuieze 'o mercat'e Nola;

• Zompa chi po', dicette 'o ranavuottolo.